Transcription
1
Reçue à Crest, le 13 avril 1573. Répondue le 13 avril 1573.
2
Monsieur de Gordes, il semble que mes rebelles se promectent dentamer quelque
3
chose en votre gouvernement, ce faisant plusieurs menées et praticques à ceste fin
4
comme je suys advisé des derniers lieulx; et encores que je soys bien
5
asseuré que y avez loeil aultant ouvert que je le scauroys desirer, toutesfoys
6
je vous prie descouvrir où tendent leurs dessaings et ceulx qui les favorisent,
7
affin den faire ung chastiment exemplaire, lequel servira pour contenir
8
les autres en devoir et de faire cognoistre comme leurs entreprises sont
9
esvantées. Il ne fault toutesfoys donner occasion à ceulx de ceste nouvelle
10
oppinion, lesquelz sont demeurantz en leurs maisons de penser que lon leur
11
veille courir sus et ne leur tenir les promesses et asseurances qui
12
leur ont esté données affin de ne les esmouvoir à pis, mais seullement
13
descouvrir les coulpables et consentans desdites menées; etaprès avoir
14
bien averé le tout en faire faire par justoce une pugnition rigoureuse.
15
Il a esté pourveu pour le payement des mortespayes et ay accordé
16
au sieur de Veaune laubeine de ce marchant de Lyon, pourveu quil ne
17
soit de ceulx qui sont previllegiez et quil y eschaye aubeyne; priant
18
Dieu, monsieur de Gordes, vous avoir en sa garde. Escript à Fontainebleau,
19
le VIIIe jour davril 1573
20
Charles
21
de Neufville
22
Monsieur de Gordes, ie viens de
23
recepvoir votre lettre du IIe. Je
24
vous prie de rien espargner
25
pour rompre les dessaings qui se preparent, avoir loeil ouvert et mettre la
26
main à loeuvre selon loccasion ; assister aussi des
27
commissaires envoyez pour lallienation de mon domaine et
28
vous tenir sur bonne garde, me reposant entierement sur
29
vous.